WELCOME namet-namet, baca ini dulu neh.

Jakarta, 22 Agustus 2011

Halo teman2 ALUMNI SMANSA MANADO 1986, Salam sejahtera for torang samua.

Apa kabaaar? Kalo kita sendiri bae2 sekali, Puji Tuhan. Bagaimana dg ngoni?

Dalam rangka so mo 25 tahun torang lulus SMA, kong mo bekeng acara REUNI SILVER YEARS, kita ada mulai kembangkan ini BLOG, semoga ngoni semua berkenan.

Oh ya, namanya juga masih pengembangan atau orang sono bilang UNDER CONSTRUCTION, makanya masih banyak yang kosong deng pasti masih banyak perubahan le toh nanti.

Kong supaya lancar ini pengembangan BLOG, kita perlu ngoni samua pe masukan, apapun itu, plus jelas kita perlu ngoni pe:

1. NAMA LENGKAP plus jurusan dan kelas sebelum penjurusan (1-1 s/d 1-7).

2. Punya atau tidak account social network (Facebook, Twitter dsb) dan apakah pake nama betul atau alias, sebutkan neh.

3. ULTAH (atau tempat/tanggal lahir, terserah mo lengkap boleh mo nyanda ditampilkan jg boleh)

4. FOTO for profile

5. Domisili

6. Email

7. Nomor HP

8. Informasi data apa saja yg ngoni mo tampilkan (mis: status perkawinan atau perpacaran, pekerjaan, nama perusahaan dsb, kalo perlu le politik le sekalian jo okay).

Mar itu semua tergantung ngoni mo tampilkan atau nyanda, mar minimal NAMA deng DOMISILI neh.

Ok dang kita tunggu neh di email fowollah@gmail.com

Eiiits jangan cepat protes kalo ngoni pe nama belum ada, namanya juga lagi pengembangan, sabar neeh, kita usahakan secepatnya selesaikan BLOG ini asal ngoni samua mendukung neh.

Oh ya, ini BLOG kase tampil nama dsb bukan hanya karena ACARA REUNI SILVERYEARS neh, jadi for yang nda bisa hadir tetap kirim yaaa, ini BLOG kan for torang pe KERUKUNAN dan PERTEMANAN baik ada acara or nyanda, bagitu daang...

Tambahan: Kalo ada ngoni pe foto2 jaman torang SMA apapun itu mo sandiri kek mo rame2 kek mo di skolah kek di kamar mandi kek boleh kirim for muat di GALLERY neeh.

Salaaam...

Fredrik O. Wollah, IPA-3 (1-1)

Jakarta, Email: fowollah@gmail.com, HP: 08129445689